{"id":1248,"date":"2022-09-02T21:56:29","date_gmt":"2022-09-03T01:56:29","guid":{"rendered":"https:\/\/www.ciudadgoticanews.com\/?p=1248"},"modified":"2022-09-02T21:56:29","modified_gmt":"2022-09-03T01:56:29","slug":"tur-proyecto-energetico-cu-bin-riba-e-zona-di-refineria-mester-uza-gas-natural","status":"publish","type":"post","link":"https:\/\/www.ciudadgoticanews.com\/index.php\/2022\/09\/02\/tur-proyecto-energetico-cu-bin-riba-e-zona-di-refineria-mester-uza-gas-natural\/","title":{"rendered":"Tur proyecto energetico cu bin riba e zona di refineria mester uza gas natural"},"content":{"rendered":"

Pa locual ta e desaroyonan relaciona cu refineria, Minister Glenbert Croes Labor, Energia y Integracion a anuncia cu ta terminando algun recomendacion pa presenta na Gobierno di Aruba.<\/p>\n

Ta trata di proyectonan di industria energetico riba e zona conoci como e zona di e refineria.<\/p>\n

Minister Croes ta enfatisa cu tur operacion cu bin pa loke ta trata proyecto energetico riba e zona di refineria, mester bay uza gas natural, mescos cu WEB cu ta lagando HFO pa pasado y ta bay over pa gas.<\/p>\n

E vision di industria energetico y desaroyo di e zona di refineria ta encera diferente proyecto energetico cu ta parti di un vision total, por ehempel Eagle LNG. Tankinan cu ta na e sitio lo mester wordo renoba, lo uza cierto facilidadnan \/unidanan di e refineria cu ta den bon condicion y lo bin proyectonan pa produci renewable bio-diesel cu por exporta pa Europa, pero tur esey por medio di tecnologianan moderno y den un zona hopi mas compacto.<\/p>\n

Minister Croes a sigui bisa cu Rodgers Beach y rond di e area aki lo wordo desaroya completamente. Tin cierto parti cu por wordo sanea, cambia, y desaroya pa atrae mas turista hotelero, condominium, y centro comercial.<\/p>\n

E vision ta pa tin dos caminda cu ta conecta cu Downtown San Nicolas cu lo ta centro di e siguiente \u2018boom\u2019 economico pa nos pais, Minister Croes a expresa. \u2018Nos ta bay paso pa paso cu e desaroyo, pa asina sigura e exito cu kier. Pasobra ta un oportunidad tin pa desaroya ful e zona na un forma responsabel y balansa. No manera antes cu desaroyonan tabata tuma luga ad hoc\u2019.<\/p>\n

Pues lo tene cuenta cu e beneficio di loke ta bin no ta solamente pa San Nicolas, pero pa henter Aruba, protehando medio ambiente, percurando pa e beneficia Aruba economicamente, crea cupo di trabou y genera entrada pa Gobierno di Aruba.<\/p>\n

Terminando Minister Croes a enfatisa cu lo manda e recomendacionnan pa gobierno, pa hunto tuma decision riba e vision pa desaroyo di e area.<\/p>\n

Ta sigura cu kico cu bin, lo bay ta hopi mas miho cu loke tabata t\u2019ey. Energia ta bay keda e curazon di e desaroyo di e industria riba zona di refineria.<\/p>\n