Un situacion di incertidumbre grandi ta loke mundo ta conoce mientras e guera na Ukraine ta dicidi pa un economia mundial, manera DIARIO for di prome momento di e crisis a adverti.<\/p>\n
Den contacto continuo cu informantenan local y internacional, DIARIO a wordo informa ayera prome cu a cera e edicion di awe, cu ta dificil pa pronostica sigur kico petroleo como indicador financiero y monetario di mundo, lo haci den e proximo dianan.<\/p>\n
Despues di a conoce aumento a base di e desaroyonan na Ukraine, ayera cu excepcion di e prijs di paisnan di OPEC, prijs di petroleo a cuminsa baha ora a bira conoci cu realidad lo stroba paisnan di Europa y otro partinan di mundo, pa deshaci completamente di nan negoshi den petroleo cu Rusia cu ta productor di azeta.<\/p>\n
Mientras mundo a haci su mes dependiente di petroleo, el a mara su mes tambe na condicionnan cu ta surgi den comercio internacional cu mundo a cambia a base di e relacionnan entre paisnan sigur despues cu guera friu a pasa pa pasado.<\/p>\n
For di prome momento cu e crisis a haya su inicio, DIARIO a papia di e dependencia di Merca y Europa di petroleo y gas Ruso, cu awor nan no por scrap pasobra ainda nan no ta capaz pa haya otro fuente di combustibel.<\/p>\n
Instabilidad economico y financiero di e forma aki ta destaca y a wordo confirma ayera tambe dor di e Secretario di Transportacion di Merca, Pete Buttigieg , cu a mustra riba e problemanan serio cu e guera na Ukraina a produci pa comercio internacional.<\/p>\n
E gobernante Mericano, kende tambe tabata un candidato presencial den e ultimo eleccion na Merca, a mustra cu mester sigui vigila e informacionnan di fechanan di entrega pa e proximo lunanan.<\/p>\n
Pa Europa e situacion actual sigur tin resultado. Informantenan na Hulanda a indica na final di e dia di ayera na DIARIO, cu e situacion ta serio ya cu e sancionnan contra Rusia por nifica cu Miyones di bari di petroleo menos lo por alcansa paisnan cu ta depende di entrega di petroleo dor di Rusia.<\/p>\n
\u201cE situacion mundial ta bira cada rato mas confuso. Ukraine a mustra cu pa gobierno firma un acuerdo cu Rusia, mester di aprobacion di Pueblo. Tur pais ta trata di papia cu otro mientras Nacionnan Uni a duna prueba di no por atende cu un conflicto internacional.\u201d<\/p>\n
Informantenan experto di DIARIO na nivel local y internacional cu ta di opinion cu Aruba actualmente mester percura pa maximo vigilancia monetario, financiero y economico.<\/p>\n
Un aspecto cu ayera a aumenta e totalidad di problema cu por spera na 2022 y hasta na 2023 ta e hecho cu productornan di machinenan cu ta necesario pa produci chip a duna di conoce, cu nan no ta capaz pa atende cu e demanda na 2022 y probablemente tampoco na 2023.<\/p>\n
Teniendo na cuenta cu mundo ta depende di chip pa su produccion basico, e informacion aki solamente a pone mas peso den un situacion internacional, cu a wordo marca ayera pa e aumento di prijs di petroleo.<\/p>\n
Inflacion a sigui aumenta y cu inflacion problemanan serio pa cantidad di empresanan rond mundo cu ta mira cu nan benta a cay of ta wordo menasa cu caida di e forsa di compra di clientenan.<\/p>\n
Uno di e companianan aki sigur ta e gigante Evergrande Group di China, cu manera DIARIO a splica for di fin di 2021, ta den problemanan financiero sumamente serio y por impacta comercio y economia mundial.<\/p>\n
Ta trata aki di uno di e empresanan mundial mas poderoso cu for di 2021 a duna muestra cu e no por paga su debe di 2.1 Biyon loke por tin resultado serio pa economia mundial.<\/p>\n
Informantenan no kier a papia ainda di un recesion cu lo ta realidad si Evergrande tambe bini abou, pero si ta papia di un situacion mundial economico peligroso.<\/p>\n
Informantenan ta sigui adverti cu na Aruba, ciudadanonan mester tene na consideracion cu mundo ta pasa den un crisis, cu ta afecta bida di tur hende.<\/p>\n
Organisacionnan local mester duna bon informacion na nan miembro y tur sector mester prepara nan mes pa situacionnan dificil cu lo ta resultado di e situacion actual hasta si den 24 hora un milagro socede y yega na un compromiso pa pone fin na e menasanan mas serio.<\/p>\n
Un situacion di incertidumbre grandi ta loke mundo ta conoce mientras e guera na Ukraine ta dicidi pa un economia mundial, manera DIARIO for di prome momento di e crisis a adverti. Den contacto continuo cu informantenan local y internacional, DIARIO a wordo informa ayera prome cu a cera e edicion di awe, cu ta […]<\/p>\n","protected":false},"author":1,"featured_media":377,"comment_status":"open","ping_status":"open","sticky":false,"template":"","format":"standard","meta":{"h5ap_radio_sources":[],"footnotes":""},"categories":[3],"tags":[],"class_list":["post-374","post","type-post","status-publish","format-standard","has-post-thumbnail","hentry","category-aruba"],"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t