Tabata Diaranson siman pasa cu Guardacosta di Caribe Hulandes a ricibi un mensahe di S.O.S. procedente di e tankero \u2018MV Cetus\u2019 cu e momento ey tabata nabegando na como 210 kilometer Noordoost di Aruba.<\/p>\n
E mensahe di S.O.S. ricibi riba Emergency Satellite Beacon ta mustra cu e tankero cu 16 tripulante ta den peligro, y cu e tripulantenan ta bandonando e barco.<\/p>\n
E tankero Cetus ta uno special pa transporta productonan di crudo y petroleo, fabrica na 1982 y atravez di a\u00f1anan a wordo opera pa diferente instancia y compania, cuminzando cu Gobierno Cubano na 1982 y e tempo ey e barco tabata yama \u2018Rene Martinez Tamayo\u2019. El a cambia di nomber 7 biaha, y awor e ta nabegando cu su nomber #8, cu ta \u2018MV Cetus\u2019 y nabegando bao bandera di e archipelago di Comoros, na costa banda pariba di Africa. E barco ta 90 meter largo, y 14 meter hancho.<\/p>\n
Como cu Guardacosta di Caribe Hulandes ta e instancia mas cerca di e emergency beacon aki, mesora Rescue and Coordination Center (RCC) a saca e avion Dash-8 di Guardacosta pa bula den e area pa tuma nota.<\/p>\n
Ora cu e avion yega den e area, nan a nota cu ya e barco a sink, y cu tin tripulantenan ta drief riba diferente \u2018fenders\u2019, cu ta e tipo di cusinchi grandi cu barconan ta pone na banda pa evita cu e barco ta raspa na muraya di waf of na otro barconan.<\/p>\n
E avion a bula mas abao, y a benta dos Boto Salbabida di Rubber, como cu e dosnan aki ta suficiente pa 16 naufrago y un cacho.<\/p>\n
Pilotonan den e Dash-8 a mira con e naufragonan a landa y bay rapidamente den e dos botonan salbabida, sperando riba yudanza cu lo ta na caminda. Pa por keda mantene tur dos boto na bista, RCC a manda un otro avion di patruyahe na e lugar, pa asina duna asistencia.<\/p>\n
E Helicopter di un Cutter di US Coast Guard, esta Thetis, tambe a duna un man durante e accion di rescate aki.<\/p>\n
Mientras tanto, RCC a logra di manda un peticion na e tankeronan Melba y tambe tankero Stavanger via e sistema di texto NAVTEXT, pa duna un man den e caso aki. Ambos a bay di acuerdo pa desvia di nan ruta pa bay rescata e naufragonan.<\/p>\n
Cada tankero a yuda e naufragonan di un boto salbabida. Den coordinacion cu RCC, y e capitannan di e dos tankeronan, e naufragonan y un cacho a wordo transporta. Un tankero a bay Venezuela, y uno a bay Trinidad & Tobago.<\/p>\n
For di combersacion cu e naufragonan, a bin realiza cu a piki un total di 14 naufrago. Esey nifica cu nan ta sinti falta di 2 persona di e barco MV Cetus.<\/p>\n
Mientras tanto, e tankero cu a yega Venezuela a trece sano y salvo 9 naufrago. Tres di nan ta Venezolano, 5 ta Dominicano, y 1 ta Cubano.<\/p>\n
E avionnan di Guardacosta di Caribe Hulandes a keda bula un tiki den e area pa check si por haya e 2 persona perdi, pero esey no tabata exitoso. Kizas nan lo a sink den e barco bay abao cune.<\/p>\n
No ta conoci si acaso e barco tabatin crudo of cualkier producto deriva di petroleo abordo. E informe ricibi di Guardacosta di Caribe Hulandes no ta menciona nada si acaso a detecta un mancha di azeta riba lama den e area ey.<\/p>\n
Tabata Diaranson siman pasa cu Guardacosta di Caribe Hulandes a ricibi un mensahe di S.O.S. procedente di e tankero \u2018MV Cetus\u2019 cu e momento ey tabata nabegando na como 210 kilometer Noordoost di Aruba. E mensahe di S.O.S. ricibi riba Emergency Satellite Beacon ta mustra cu e tankero cu 16 tripulante ta den peligro, y […]<\/p>\n","protected":false},"author":1,"featured_media":696,"comment_status":"open","ping_status":"open","sticky":false,"template":"","format":"standard","meta":{"h5ap_radio_sources":[],"footnotes":""},"categories":[3],"tags":[],"class_list":["post-694","post","type-post","status-publish","format-standard","has-post-thumbnail","hentry","category-aruba"],"aioseo_notices":[],"_links":{"self":[{"href":"https:\/\/www.ciudadgoticanews.com\/index.php\/wp-json\/wp\/v2\/posts\/694","targetHints":{"allow":["GET"]}}],"collection":[{"href":"https:\/\/www.ciudadgoticanews.com\/index.php\/wp-json\/wp\/v2\/posts"}],"about":[{"href":"https:\/\/www.ciudadgoticanews.com\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/www.ciudadgoticanews.com\/index.php\/wp-json\/wp\/v2\/users\/1"}],"replies":[{"embeddable":true,"href":"https:\/\/www.ciudadgoticanews.com\/index.php\/wp-json\/wp\/v2\/comments?post=694"}],"version-history":[{"count":0,"href":"https:\/\/www.ciudadgoticanews.com\/index.php\/wp-json\/wp\/v2\/posts\/694\/revisions"}],"wp:featuredmedia":[{"embeddable":true,"href":"https:\/\/www.ciudadgoticanews.com\/index.php\/wp-json\/wp\/v2\/media\/696"}],"wp:attachment":[{"href":"https:\/\/www.ciudadgoticanews.com\/index.php\/wp-json\/wp\/v2\/media?parent=694"}],"wp:term":[{"taxonomy":"category","embeddable":true,"href":"https:\/\/www.ciudadgoticanews.com\/index.php\/wp-json\/wp\/v2\/categories?post=694"},{"taxonomy":"post_tag","embeddable":true,"href":"https:\/\/www.ciudadgoticanews.com\/index.php\/wp-json\/wp\/v2\/tags?post=694"}],"curies":[{"name":"wp","href":"https:\/\/api.w.org\/{rel}","templated":true}]}}