Spread the love

Na un momento cu Aruba ta lucha pa su recuperacion, un informacion cu directamente ta atacha e reputacion di Aruba como estado di derecho, a mira luz.

E caso a cuminsa algun dia pasa ora un persona, cu lo ta parti di prensa na Aruba, a bay Gobernador y e asosiacion di prensa Latino Americano di prensa, SIP, pa acusa Gobierno di Aruba di ta contra libertad di prensa.

Resultado ta cu ayera nomber di Aruba a wordo pone na haltura di Venezuela dor di e Sociedad Interamericano di Prensa, cu lo no a bay busca ningun informacion di Prome Ministro prome cu el a yega na su declaracion.

Advertisement

Di e forma aki SIP tambe a peca contra principio di democracia pasobra e no a bay investiga kico a pasa den e relacion di 24ora y Prome Ministro Evelyn Wever-Croes.

E acusacion di e periodista en cuestion tabata basa riba e hecho cu Prome Ministro Evelyn Wever- Croes kier introduci un Mediaraad, cu ta un conseho forma pa periodistanan cu lo a ocupa su mes cu e forma cu prensa ta cumpli cu su tarea di informa Aruba.

Di e forma aki mester a evita cu medionan di comunicacion ta abusa di nan derecho di informa Aruba y ta tene nan mes na reglanan, cu manera DIARIO a trece dilanti ta basa tambe riba leynan general di e pais cu ta proteha e ciudadano, propiedad y reputacion di e ciudadano cu por acudi na Huez y entrega keho na autoridad si cualkier persona abusa di su bon nomber y reputacion.

A base di informacionnan cu ta alcansa DIARIO di comunidad y cu ta indica cu abuso di libertad y trabou di prensa ta posibel di parti di periodistanan, DIARIO a mustra cu a bira tempo pa crea un colegio, cu por investiga e forma cu prensa ta atende cu su trabou, manera ta pasa cu dokter y abogadonan tambe.

Un tuchtcollege, ta un instancia cu ta ocupa su mes cu e forma cu un persona ta cumpli cu su funcion y tuma sancion contra e persona si e abusa di ehecucion di su labornan.

Den e turbulencianan mundial serio, e keho cu a wordo entrega a perde atencion mientras DIARIO a confia, cu e Sociedad di Periodismo Latino Americano lo a haci su trabou y lo a busca informacion di Prome Ministro Evelyn Wever-Croes pa investiga si di berdad e ta posicion su mes contra libertad di prensa enfrente e medio di comunicacion cu a lansa e acusacion, pasobra di parti di DIARIO nunca tabata tin problema cu Prome Ministro Wever-Croes of otro gobernantenan pa haya informacion.

Realmente e postura di Prome Ministro Wever-Croes enfrente prensa a hasta destaca su mes tempo di formacion di Gobierno, cu a bay na un forma di apertura total pa tur miembro di prensa.

Den busca di informacion a bin topa cu loke sigur por yama abuso completo di e profesion di periodismo y abuso di e Prome Ministro dor di e medio di comunicacion 24ora.com.

Imagennan hororoso cu ta wordo publica di Prome Ministro Wever-Croes hamas a topa nan igual den medio di comunicacion.

DIARIO, cu no ta sigui loke e periodistanan di 24ora.com ta lansa, a bin topa cu imagenan pornagrafico den cual cara di Prome Ministro Wever-Croes a wordo poni na lugar di otro persona, den posicionnan sexual y cara di Prome Ministro Wever-Croes ta wordo uza na figuranan den imagen pornografico.

DIARIO por comprende cu e periodista cu a acusa Prome Ministro Wever-Croes a ricibi tur informacion al respecto pero no a pone SIP na haltura of SIP, cu nunca a busca informacion cerca Prome Ministro Wever-Croes, no a uza informacion corecto pa lansa e acusacion cu Gobierno di Aruba ta mescos cu Gobierno di Venezuela y ta contra libertad di prensa.

DIARIO ta sigui cu su investigacion den cual dos persona cu ta traha den medio di comunicacion, ta envolvi.

Uno di e personanan aki ta parti di un rapport cu Gobierno Wever-Croes a pone den man di Husticia, cu ta e rapport Refineria di Aruba.

Segun e rapport aki e compania Tera Group, di uno di e periodistanan di 24 ora.com, tabata e compania cu durante Gobierno Mike Eman, tabata encarga cu propaganda pa e Compania di Estado, Refineria di Aruba cu a wordo investiga y di cual pues un rapport ta den man di autoridad cu mester dicidi cu si mester bini un investigacion penal.

DIARIO lo sigui informa Aruba di e desaroyo sumamente lamentable den cual caricaturanan y imagennan pornografico y ta wordo poni na imagennan di Prome Ministro Evelyn Wever-Croes dor di 24ora.com.

DIARIO ONLINE


¡Participe en las actividades de tenis de playa en Aruba!...


Tauro's Esthetic Center. Santa Helena Straat #D, Oranjestad, Aruba. +297 583 7280


Desenmascaran la trama de desfalco, corrupción e impunidad que involucra en Venezuela a Raúl Gorrín y Gustavo Perdomo, cómplices de la extesorera nacional Claudia Diaz Guillén


Los problemas de César Omaña con la justicia de Estados Unidos y de otro también aliado del opositor venezolano Leopoldo López


Por admin

Deja una respuesta

Tu dirección de correo electrónico no será publicada. Los campos obligatorios están marcados con *