Dialuna mainta minister di Husticia Rocco Tjon tabata na Brandweer Post na San Nicolas, pa anuncia inicio di un proyecto di renovacion.

“Ta un proyecto grandi, caminda cu ta bay inverti 1.6 miyon Florin pa percura pa e Brandweer Post aki worde renova por completo”.

Lo tene cuenta tambe cu e parti di electricidad y un sistema avanza di camara, pa garantiza seguridad tambe di tur esnan cu ta emplea akinan, segun e mandatario, kende a indica tambe cu e rol luiken lo worde cambia.

Advertisement

“Practicamente esaki ta bay bira un Brandweer Post nobo. Mi kier a gradici D.O.W cu October aña pasa a percura pa e proyecto aki drenta un destaho, cu a worde gana pa Albo Aruba NV.”

Durante e proximo 120 dianan nos dilanti, e warda aki completo ta bay worde renova, unda cu aki 120 dia tur personal cu ta traha akinan por tin un warda completamente nobo, segun Tjon.

El a sigui bisa cu na inicio di e combersacionnan cu e sindicato di Brandweer y cu e management team, diferente punto di preocupacion a worde treci dilanti.

Ta trata di preocupacionnan pa loke ta material, circunstancianan di trabao (postnan) y tambe e posicion huridico di tur e personal.

Segun e minister, cada dos siman tin reunionnan tumando lugar di parti di ministerio di Husticia, Sindicato di Bombero (SINBA) y e management team, pa por duna atencion na tur e puntonan aki.

“December ultimo manera ta conoci nos a inverti 5 miyon Florin pa percura cu por adkiri diferente truck nobo pa Brandweer, mientras cu e parti di opleiding ta haya atencion, unda cu den April lo cuminza e opleiding pa Manschap B, cu ta uno cu tabata tin hopi importancia pa e personal.

Mi kier gradici e sindicato y e management team cu na un manera positivo y proactivo no solamente ta trece e problemanan pa dilanti, sino tambe ta trece e solucionnan pa di e forma ey for di nos ministerio nos por percura tambe pa esakinan worde ehecuta, segun Tjon.

DIARIO ONLINE

Por admin

Deja una respuesta

Tu dirección de correo electrónico no será publicada. Los campos obligatorios están marcados con *