Varios pais den Caribe ta hisando prijs di gasolin y diesel ultimo siman aki. Na Aruba, e siguiente fecha di ‘ahuste’ lo bay ta Diaranson 9 di Maart venidero, y tur cos ta indica cu e lo bay conoce un aumento drastico.

For di dia cu Putin a forza su tropcanan pa bay invadi Ucrania, e prijs di crudo a subi y dado momento a hasta cruza e nivel di $100 pa bari.

Ultimo tempo den mercado internacional di petroleo por a nota aumento den prijs di productonan petrolero cu a afecta e prijs di gasolin y diesel na Aruba. Banda di e efecto grandi riba prijsnan door di retonan existente manera problemanan den e cadena di suministro di productonan, combina cu subida di costonan di energia, e invasion di Ucrania door di Russia lo conduci na prijsnan mundial mas halto tanto den productonan petrolero, transporte y otro tipo di productonan cu ta wordo importa.

Advertisement

E subida di prijs den e sector di productonan petrolero lo traduci su mes den un aumento di prijs pa productonan petrolero local.

“Nos sa cu e desaroyonan internacional ta afecta e prijs di gasolin y diesel ya cu nos ta 100% dependiente di gasolin y diesel internacional», Minister Wever ta comenta. «Pa e motibo aki nos a cuminsa traha riba un forma con pa reduci e impacto aki riba termino cortico pa e consumidor.»

Minister Wever ta menciona cu ta evaluando importacion di un gasolin mas economico y tambe un revision di e structura di prijs di gasolin y diesel cu por tin un efecto positivo riba e prijs, sin cu esaki ta afecta entrada di Gobierno di Aruba.

DIARIO ONLINE

Por admin

Deja una respuesta

Tu dirección de correo electrónico no será publicada. Los campos obligatorios están marcados con *