Siman a habri cu e informacion cu tabatin captura di boto cu droga, y esaki a wordo haci pa e barco Hulandes Zr.Ms. Friesland y Guardacosta di Caribe Hulandes, den bon colaboracion cu Cuerpo Policial Aruba.

E barco di marina Zr.Ms. Friesland recientemente a logra para un boto di piscado Venezolano sospechoso riba laman grandi. E contacto a keda descubri pa un avion di patruya di US Coast Guard. E boto tabata riba un ruta conoci pa contrabanda despues di cual e barco Friesland a keda dirigi pa controla e boto.

E Hulandesnan a baha nan Speedboat special FRISC, cu abordo tin un equipo combina di tripulantenan di e barco y US Coast Guard, e boto a keda persigui. Na yegada di e FRISC den cercania di e boto, a bin descubri cu e boto Venezolano a cuminsa zink. Riba esaki mesora a actua pa trece e pasaheronan a bordo di Friesland.

Advertisement

E tripulacion di Friesland a haci tur intento pa mantene e boto riba awa, pa asina por controla esaki riba contrabanda.

Di e forma ey, e barco Zr.Ms. Friesland a lastra e boto y a hib’e Aruba caminda a entrega esaki na Guardacosta su punto di sosten na Aruba, pa por haci mas investigacion.

Pa motibo cu e boto tabata parcialmente bao di awa, e ekipo di buceo di KPA a hisa e boto cu nan materialnan pa asina por a controla esaki. Durante e control riba e boto haci pa un ekipo di e punto di sosten di Guardacosta na Aruba, un gran cantidad di pakete cu probablemente droga aden a ser haya.

E seis personanan cu nacionalidad Venezolano, y e paketenan a keda entrega na e ‘Unit Georganiseerde Criminaliteit’ di Cuerpo Policial a mas investigacion den e caso aki.

Por admin

Deja una respuesta

Tu dirección de correo electrónico no será publicada. Los campos obligatorios están marcados con *